"Birinci Avropa Oyunları mənim üçün böyük əhəmiyyət kəsb edir və bu tarixi hadisənin iştirakçısı olduğum üçün çox sevinirəm".

Axar.az xəbər verir ki, bu açıqlama ilə irlandiyalı boksçu Keti Taylor çıxış edib.

Taylor bu yarışlarda iştirak etməyin onun üçün böyük fəxr olduğunu bildirib:

"Avropa Oyunları çox yüksək səviyyədə təşkil edilib. Azərbaycanda idmançlar üçün hər cür şərait yaradılıb".

İrlandiyalı boksçu, həmçinin Bakını çox bəyəndiyini deyib:

"Bakını çox bəyəndim, gözəl şəhərdir, insanlar burada çox mehriban və qonaqpərvərdir".