Azərbaycanlılar Bakı-2015-də idmançılarımızın əldə etdiyi nəticələrdən razıdır.

Bu, Axar.az-ın keçirdiyi elektron sorğudan sonra müəyyən olunub.

1720 nəfərin iştirak etdiyi sorğuda iştirakçılara "Bakı-2015: İdmançılarımızın nəticələrindən razısınızmı" sualı ünvanlanıb. Respondentlərin 73%-i idmançılarımızdan razı olduğunu bildirib. Sorğu iştirakçılarının 16%-i isə Azərbaycan idmançılarından daha artığını gözlədiyini deyib. Yerdə qalan 11% səsin sahibləri isə "bilmirəm" cavabına səs verməklə kifayətləniblər.

Qeyd edək ki, Azərbaycan Birinci Avropa Oyunlarında medal sayına görə Rusiyadan sonra ikinci yeri qazanıb.