Dünya çempionatında qrup mərhələsinin oyunları davam edir.

Axar.az xəbər verir ki, bu gün daha 3 qarşılaşma keçiriləcək. Azarkeşlərin səbirsizliklə gözlədiyi B qrupunun ilk oyunu olan Avstraliya və Hollandiya milliləri bu axşam üz-üzə gələcək. Bakı vaxtı ilə saat 21:00-da başlanan oyunun bir çox maraqlı xüsusiyyətləri var.

Maraqlısı budur ki, Hollandiya indiyədək Avstraliyanı məğlub edə bilməyib. Aralarında keçirilən 3 oyundan ikisi heç-heçə, bir oyun isə Avstraliyanın qələbəsi ilə bitib.

Qrupun digər oyununda İspaniya Çilini sınağa çəkəcək. Bu görüş Bakı vaxtı ilə saat 00:00-da start götürəcək. Bu komandaların əvvəlki oyunlarına nəzər saldıqda İspaniyanın açıq-aşkar üstünlüyü var. Aralarında keçirilən 6 oyundan 4-də İspaniya qalib gəlib. Yalnız 1 dəfə heç-heçəni bacaran Çili yığması 1 oyundan qalib ayrılıb.

Gecənin sonuncu qarşılaşması A qrupunda yer alan Kamerun–Xorvatiya milli komandaları arasında baş tutacaq. İlk dəfə yaşıl meydanda üz- üzə gələcək bu komandaların matçı Bakı vaxtı ilə 03:00-da start götürəcək.