İran polisi "Adjam" musiqi qrupunun Braziliyada keçirilən Dünya Çempionatında İran milli komandasına dəstək üçün çəkilmiş klipdə iştirak edən 2 nəfəri həbs edib.

Axar.az məlumat verir ki, "İranın qolu" (Gole İran) mahnısının klipinin bəzi səhnələrində gənc oğlan və qızlar rəqs edir və mahnı oxuyurlar. İslam Respublikasının davranış normalarına əsasən, "ictimai yerdə" rəqs və həmçinin, uyğun olmayan qadın geyimləri (hicabsız olmaq) qəbuledilməz davranışdır.

Şaxrud şəhərinin polis rəisi Rahmatalla Taheri bildirib ki, videoklipdə İranın xaricində və daxilində çəkilmiş səhnələr var. O, videonu bayağı adlandırıb və gəncləri bu cür aksiyalarda iştirak etməməyə çağırıb.