Şimali Koreyanın guya Braziliyada keçirilən Futbol üzrə Dünya Çempionatının qalibi olduğunu əks etdirən və qısa zamanda sosial mediada populyarlaşan videonun adıçəkilən ölkə tərəfindən hazırlanmadığı aydın olub.

Axar.az xarici mediaya istinadən xəbər verir ki, Şimali Koreyanın "çempionluğunu" göstərən video, onların əsas rəqibi sayılan Cənubi Koreya tərəfindən hazırlanıb.

Videonun hazırlanmasında əsas məqsəd Şimali Koreyada hökmranlıq edən diktaturanı sərt tənqid etmək və ölkədəki informasiya blokadasını dünyaya bir daha çatdırmaq olub.

Xatırladaq ki, ötən gün yayımlanan videoda Şimali Koreyanın köhnə oyunlarından görüntüləri toplayaraq yalançı oyun düzəldilib və bu ölkənin millisi final oyununda Portuqaliyaya "6-0" hesabı ilə qalib gələrək kubokun sahibi olub.