Televiziya proqramlarında dəvət etdiyi qadınların tez-tez “Maşallah hocam, inşallah hocam” deməsi ilə məşhurlaşan Adnan Oktar İstanbulun Silivri rayonunda lüks villa tikdirib.

Avropa.info xəbər verir ki, Adnan Oktarın televiziya kanalının Feysbuk səhifəsində paylaşılan fotolarda lüks villanın necə bir dəbdəbəli dizayna malik olduğunu görmək mümkündür.

Evin daxilində Osmanlı sənətkarlığının ən gözəl nümunələrindən biri olan əl ilə tikilmiş kaftan görünür. Villanın qarşısında süni yolla yaradılmış göl, şəlalə və Osmanlı stilində düzəldilmiş qayıqlar var.

Botanik yay bağında isə balıqların üzdüyü hovuz möcuddur. Villanın otaqları, mebeli yüksək zövqlü Osmanlı stilində dizayn edilib.