Rusiyanın TASS informasiya agentliyi Rusiya Federasiyasının Xarici İşlər naziri Sergey Lavrovun Bakıya səfəri barədə fotoşəkli “Həftənin əsas fotoları” adlı seçmə topluya daxil edib.

Axar.az xəbər verir ki, TASS agentliyinin fotomüxbiri Aleksandr Şerbakın çəkdiyi bu fotoşəkildə Rusiyanın Xarici İşlər naziri Sergey Lavrov, stats-sekretar – Xarici İşlər nazirinin müavini Qriqori Karasin və Rusiyanın Azərbaycandakı səfiri Vladimir Doroxin tərəfindən Bakıdakı Şəhidlər Xiyabanında “Əbədi məşəl” memorialı önünə əklil qoyulması anı əks olunub.