Amerika yenə də dünyanın ən çox silah ixrac edən ölkəsi olub.

Axar.az xəbər verir ki, bu barədə məlumat Sülh Problemlərinin Araşdırılması üzrə Stokholm Beynəlxalq İntitutunun (SIPRI) hesabatında yer alıb.

İnstitutun hesabatına əsasən, dünya üzrə ikinci ən böyük silah satıcısı Rusiyadır. Moskva 2010-2014-cü illərdə dünyanın 56 ölkəsinə, o cümlədən Ukraynanın şərqindəki separatçılara silah verib.

SIPRI-nin tərtib etdiyi cədvəldə növbəti pilləri Çin, Almaniya, Fransa, Böyük Britaniya, İspaniya, İtaliya, Ukrayna və İsrail tutub.

Ən çox silah idxal ölkələrin siyahısında isə Hindistan, Səudiyyə Ərəbistanı, Çin, Birləşmiş Ərəb Əmirlikləri, Pakistan, Avstraliya, Türkiyə, ABŞ, Cənubi Koreya və Sinqapur yer alıb.