Əpl şirkəti "Ayfon 6 Plus" smartfonlarını geri çağırır.

Axar.az xarici mediaya istinadən xəbər verir ki, şirkət müəyyən qüsurlar səbəbilə smartfonların bir hissəsini geri çağırır. Müəyyən edilən nasazlığın telefonun kamerasında olduğu bildirilir.

Məlumata görə, xüsusilə 2014-cü ilin sentyabrından 2015-ci ilin yanvarına qədərki müddətdə satılan smartfonlarda qeyd edilən problem var. Şirkət müraciət edərək bildirib ki, əgər sizin də Ayfon 6-nız dəqiq təsvirə malik olmayan fotolar çəkirsə, Əpl "ISight" kamerasını pulsuz dəyişəcək.

Hələlik problemin konkret olaraq nə qədər smartfonda olduğu müəyyənləşməyib.

Əgər smartfonunuzda qeyd edilən problemin olub-olmadığını müəyyən etmək istəyirsinizsə, bunun üçün https://www.apple.com/support/iphone6plus-isightcamera/ linkindən istifadə edə bilərsiniz. Nasazlıq təsdiqləndikdən sonra, 3 il müddətində telefonun çatışmazlığı təmir edilə bilər.