İspaniyanın futbol klubu "Atletiko" Madrid artıq oyunlara "Azerbaijan – Land of fire" yazısı ilə çıxmayacaq.

Axar.az klubun rəsmi səhifəsinə istinadən xəbər verir ki, buna səbəb klubun artıq yeni baş sponsorla anlaşma imzalamasıdır.

Səhər saatlarında rəsmi saytda yerləşdirilən yazıda deyilir ki, "Atletiko" Madrid klubu "+Plus500" şirkəti ilə əməkdaşlığa imza atıb və önümüzdəki iki sezon məhz "+Plus500" sözləri yazılan formalarla meydana çıxacaq.

Xatırladaq ki, ispan klubu 2013-2015-ci il mövsümlərində oyunlara "Azerbaijan – Land of Fire" yazılmış forma ilə çıxırdı.

Klubun rəsmi saytı oyunçuların yeni formada olan fotosunu da paylaşıb.

Sözügedən fotoları təqdim edirik: