Bu günlərdə "Bakı"ya qayıtmayacağam. Çünki klubdan təklif almamışam.

Axar.az xəbər verir ki, bunu "Bakı"nın sabiq baş məşqçisi Milinko Pantiç deyib.

Onun sözlərinə görə, Hafiz Məmmədovun prezidenti olduğu klubdan heç vaxt FİFA-ya şikayət etməz: "Çünki yaxşı dostluq münasibəti var. Dost dar gündə tanınar. Mən "əsgər"əm, Hafiz Məmmədov da "general"ım".

Pantiç bildirib ki, Azərbaycanda çalışanda maddi cəhətdən itirdikləri olub:

"Amma gözəlliyi bitib-tükənməz ölkəni və insanları tanıdım. Azərbaycanda insanlar mənimlə daim yaxşı rəftar ediblər. Arzu edirəm ki, Hafiz Məmmədovun işləri tezliklə qaydasına düşsün və tezliklə Premyer Liqaya qayıtsın".

Qeyd edək ki, "Bakı" I divizyonda çıxış edir və klub maliyyə problemləri ilə üzləşib.