Türkiyədə Cümhuriyyət Xalq Partiyası (CHP) mayın 27-də itkin düşən Demokratik Bölgələr Partiyasının (DBP) Şırnak rayon idarəçisi Xurşud Kültər üçün hərəkətə keçib.

Axar.az xəbər verir ki, CHP-çi millət vəkilləri Şenal Sarıxan, Zeynəb Altıok, Selina Doğan və Mahmud Tanal Kültərin itkin düşməsində terrorçularla mübarizə aparan təhlükəsizlik qüvvələrini günahlandırıblar.

Bir müddət öncə Xalqların Demokratik Partiyası (HDP) da məsələni parlamentdə qaldırmışdı.

Xatırladaq ki, PKK-nın Şırnak məsullarından biri olan Xurşud Kültər mayın 27-də yoxa çıxıb. Bu hadisədən sonra PKK Kültərin təhlükəsizlik qüvvələri tərəfindən öldürüldüyü barədə şayiə yayıb.