Vətəndaşlarımızdan meydanları tərk etməməyi xahiş edirik.

Axar.az xəbər verir ki, bunu Türkiyənin Baş naziri Binəli Yıldırım bildirib.

"Vətəndaşlarımızdan hadisə tamamilə başa çatmayanadək meydanları tərk etməməyi, hətta Ankara və İstanbulda meydanlara toplanmalarını rica edirəm. İşlərimiz planlaşdırıldığı kimi davam edir. İnşallah, bu caniləri, terror təşkilatı üzvlərini zərərsizləşdirəcəyik", - baş nazir bildirib.

Qeyd edək ki, artıq paytaxt Ankarada çevriliş əleyhinə böyük mitinq başlayıb. Vətəndaşlar əllərində türk bayrağı Türkiyə Silahlı Qüvvələri Baş Qərargahına doğru yürüş ediblər.

Aksiyada minlərlə insan iştirak edir.