Türkiyənin Muğla vilayətində Prezident Rəcəb Tayyib Ərdoğanın qaldığı otelə hücum edən təxminən 40 hərbçinin axtarışı davam edir.

Axar.az xəbər verir ki, axtarış işlərinə xüsusi təlim keçmiş 100-ə yaxın xüsusi təyinatlı cəlb edilib.

Xüsusi təyinatlılar axtarışa otelin yuxarı hissəsində yerləşən meşəlik ərazidən başlayıb. Sözügedən ərazidə otelə hücum edən hərbçilərdən ikisi yaxalanıb.

Əməliyyat hazırda davam edir.

Qeyd edək ki, iyulun 15-də gecə saatlarında bordo bereli olduğu bildirilən 40 hərbçi Prezident Rəcəb Tayyib Ərdoğanın Marmarisdə qaldığı otelə hücum etmişdilər. Ərdoğanın mühafizəçilərinin cavab atəşi nəticəsində hərbçilər geri çəkilmişdi.