Ana səhifə Gündəm |
"Bu, həmin parlamentarilərin erməni lobbisinin təsiri altında olduğunu nümayiş etdirir".
Bu sözləri "Axar.az"a Britaniya parlamentarilərinin Azərbaycana qarşı etdikləri açıqlamalarına cavab olaraq Xarici İşlər Nazirliyinin Mətbuat Katibi Elman Abdullayev deyib.
O, britaniyalı deputatların öz səlahiyyətlərindən sui-istifadə etdiklərini bildirib:
"Bəzi siyasətçilər öz mövcud vəzifələrindən mənafeləri üçün istifadə edirlər. Azərbaycan torpaqlarının işğal olunduğu, təcavüzə məruz qaldığı və 1 milyona yaxın qaçqın, məcburi köçkünü olduğu halda çox qərəzli və tamamilə beynəlxalq hüququn normalarına uyğun olmayan hərəkətlər edirlər. Bu bir mənalı şəkildə onların erməni lobbisinin təsir altında olduğunu nümayiş etdirir".
Qeyd edək ki, bir müddət öncə Britaniya Parlamentinin Nümayəndələr Palatasının üzvləri Dağlıq Qarabağın Ermənistandakı daimi nümayəndəliyində separat rejimin liderləri ilə görüşmüşdülər. Daha sonra isə növbəti görüşləri Xankəndi və Londonda olacağı bildirilmişdi.
Tarix
2014.02.27 / 11:41
|
Müəllif
İlkin Həsənov
|