İstisnasız hər çevriliş pisdir, ancaq heç biri 15 iyul qədər alçaqca olmamışdı.

Axar.az xəbər verir ki, bu sözləri Türkiyənin Baş naziri Binəli Yıldırım AKP-nin qrup toplantısındakı çıxışında deyib.

Yıldırım Fətullah Gülənin ekstradisiyası üçün ABŞ-a rəsmi sənəd göndərdikləini açıqlayıb:

"Ey FETÖ-nün xainləri, siz bizi nə sandınız? Qorxaqmı sandınız? 15 iyulda Məclisə gələn CHP və MHP-çi millət vəkillərinə təşəkkür edirəm. Bildirişə imza atan HDP-yə də təşəkkür edirəm. Milli iradə və dövlətimizin taleyindən söhbət gedəndə necə birləşdiyimizi bütün dünya gördü. Gülənin qaytarılması üçün ABŞ-a sənəd göndərdik. Bu terrorçu başını daha qorumayın. Əbəs yerə bəsləməyin".