Yanukoviç-Azarov hakimiyyətinin offşor zonalarda 70 milyard dollar pulu aşkarlanıb.

"Axar.az" Ukrayna mətbuatına istinadən xəbər verir ki, bunu Ukraynanın yeni Baş naziri seçilən Arseni Yaçenyuk Ali Radada çıxışı zamanı bildirib.

Yaçenyuk bildirib ki, hazırda dövlət xəzinəsi dağıdılıb və boşdur, buna görə də hər şeyin yaxşı olacağına nə indi, nə də sabah təminat verə bilər.

Onun sözlərinə görə, dövlətin borcu 75 milyard dollar təşkil edir:

"Qızıl fondundan 20 milyard dollardan çox pul talan edilib, kredit götürülmüş 37 milyard dolların aqibəti bəlli deyil. Keçmiş hakimiyyət offşor zonalarındakı bank hesablarına 70 milyard dollardan çox pul ötürülüb".

Qeyd edək ki, bu gün Ukrayna Ali Radasında keçirilən səsvermədən sonra ölkənin yeni baş naziri seçilib. Onun lehinə 371 deputat səs verib.