Türkiyədə hərbi çevriliş cəhdi Ankaranın iki addım atmasını sürətləndirəcək.

Axar.az xəbər verir ki, bu haqda politoloq Elxan Şahinoğlu yazıb. Siyasi şərhçi hazırda Türkiyə rəsmi nümayəndə heyətinin Moskvada keçirdiyi görüşlərin əhəmiyyətindən söz açıb:

"Türkiyədə hərbi çevriliş cəhdi Ankaranın iki addım atmasını sürətləndirəcək. Birincisi, Ankara-Moskva yaxınlaşması gözlənildiyindən də sürətlə inkişaf edəcək. Hər iki ölkə "Türk axını" layihəsinə yenidən qayıdır, vizasız səfərlər məsələsi də gündəmdədir. Kreml Ankara-Vaşinqton münasibətlərinin soyuqlaşmasından məharətlə istifadə edəcək. Təsadüfi deyil ki, Rusiya Prezidenti Vladimir Putin türkiyəli həmkarını avqustun 9-da ölkəsinə dəvət edib. Ən maraqlısı odur ki, Putin Bakıda İlham Əliyevlə görüşdən bir gün sonra Sankt-Peterburqda Ərdoğanla görüşəcək. Bu o anlama gəlir ki, Dağlıq Qarabağ münaqişəsinin həlli, Ermənistanla sərhədin açılması ətrafında fikir mübadiləsinin aparılması mümkündür.

İkncisi, Ərdoğanın yaxın aylarda Türkiyədə Avropa Birliyinə üzvlüklə bağlı referendum keçirəcəyi istisna deyil. Çünki Brüssel Ankaraya tənqidlərini artıracaq".