Ana səhifə Gündəm |
Ərzurumun millət vəkili Orxan Dəligöz hərbi çevrilişdən sonra 8 əsgərin Yunanıstana qaçdığı helikopterdə CİA agentinin də olduğunu deyib.
Axar.az xəbər verir ki, Gülənin CİA ilə 1966-cı ildən bəri əlaqəsi olduğunu deyən millət vəkili 8 əsgəri Mərkəzi Kəşfiyyat İdarəsinin (CİA) keçmiş rəhbəri Fullerin qaçırdığını iddia edib:
"Fuller 1964-cü ildə Türkiyəyə gəldi. Bundan iki il sonra Fətullah Gülən camaatı yaradıldı. Elə o vaxtdan başlayaraq hər şey planlaşdırıldı. Qəribədir ki, 15 iyul gecəsi Fuller İstanbulda idi. Hətta bir oteldə böyük toplantı da keçirdi. Türkiyədəki hərbi çevrilişi necə idarə edəcəkləri ilə bağlı söhbətlər apardılar. Çox güman ki, 8 əsgərin qaçdığı helikopterdə Fuller də var idi. Türk xalqı olaraq çox böyük bir faciənin eşiyindən döndük. Onlar Türkiyənin qərbini Ermənistan və Kürdüstana vermək istəyirdilər. Əgər hərbi çevriliş olsaydı, İŞİD Türkiyəyə girəcək və Suriya, İraqda olduğu kimi insanlarımızın başını kəsəcəkdi".
Tarix
2016.08.01 / 15:39
|
Müəllif
Aqşin Evrən
|