Qazaxıstan iki xarici laboratoriyadan tədqiqatların nəticələrini gözləyir, bundan sonra Aktau yaxınlığında AZAL təyyarəsinin qəzası ilə bağlı yekun hesabatı dərc edəcək.

Axar.az xəbər verir ki, bu barədə Qazaxıstan Nəqliyyat Nazirliyi məlumat yayıb.

Qeyd edək ki, Beynəlxalq Mülki Aviasiya Təşkilatının qaydalarına görə, hava nəqliyyatı qəzası ilə bağlı araşdırmanın yekun hesabatı qəza tarixindən etibarən 12 ay ərzində dərc olunmalıdır.

Xatırladaq ki, 2024-cü il dekabrın 25-də Bakıdan Qroznıya uçan təyyarə Qroznı səmasında vurulduqdan sonra Qazaxıstana istiqamət alıb və zədələnməsi səbəbindən Aktau hava limanı yaxınlığında qəzaya uğrayıb. Qəza nəticəsində 38 nəfər ölüb, 29 nəfər sağ qalıb.