Dövlət Gömrük Komitəsi (DGK) 2017-ci il dövlət büdcəsinə daxilolmalar üzrə proqnozu yerinə yetirmək iqtidarındadır.

Trend-in məlumatına görə, bu barədə jurnalistlərə DGK-nın sədri Aydın Əliyev deyib.

"Gömrük orqanları üçün daxilolmalar üzrə proqnozun 2,2 milyard manatadək artırılmasına baxmayaraq, ümid edirik ki, onu tam icra edəcəyik", - komitə sədri bildirib.

Onun sözlərinə görə, DGK cari ilin oktyabrın 1-nə dövlət büdcəsinə daxilolmaları 1,653 milyard manat səviyyəsində təmin edib ki, bu da proqnozu 20 faizdən çox üstələyir.

Gələn il gömrük rüsumları və vergiləri üzrə daxilolmaların proqnozu 2,2 milyard manat həcmindədir. Bu, cari ilin gözləntilərini 21,5 faiz ötür.