Azərbaycan ordusunun snayper zərbəsindən çoxsaylı itkilər verdiyini və bunun narahatlıq yaratdığını bildirən Ermənistan Müdafiə Nazirliyi cəbhə bölgəsindəki postlarda olan əsgərlərini qorumaq üçün periskoplardan istifadəni nəzərdən keçirir.

Axar.az xəbər verir ki, bu barədə Ermənistan Müdafiə Nazirliyi açıqlama yayıb. Açıqlamada erməni əsgərlərin snayper gülləsindən ölüm sayını azaltmaq üçün uzaqdan düşmən hədəflərini izləməyə imkan verən cihazın – periskopun hazırlanmasına başlanıldığı bildirilir.

Məsələ ilə bağlı erməni mediasına açıqlama verən "Lazer texnikası" Qapalı Səhmdar Cəmiyyətinin rəhbəri Samvel Gülbudaqyan görmə cihazlarının sınaqdan keçirildiyini bildirib: "İndi bizim əsgərlər nəzarəti birbaşa aparmaya bilərlər, sığınacaqda təhlükəsizlikdə olacaqlar".

Hərbi ekspertlər isə bu adi döyüş ləvazimatının indiyə qədər erməni əsgərlərində olmamasına təəccüb ifadə ediblər.