Heç bir regional enerji layihəsi TANAP qaz kəməri ilə rəqabət apara bilməz.

Axar.az xəbər verir ki, bunu "Sputnik"ə müsahibəsində Azərbaycan Prezidenti İlham Əliyev söyləyib. Prezidentin sözlərinə görə, TANAP dörd hissədən ibarət olan böyük Cənub Qaz Dəhlizi layihəsinin bir hissəsidir:

"TANAP Cənub Qaz Dəhlizi layihəsinin tərkibindəki proyektlərlə bütövdür. Digər layihələr olmadan o tam deyil. Bu layihənin bütün xətləri üzrə ilk mərhələdə satılacaq qaz həcmi ilə bağlı artıq müqavilələr imzalanıb və onlar satılıb. Biz hasilatın 2018-ci ildən başlayaraq artırılması və 2020-2021-ci illərdə pik həddə çatdırılması ilə bağlı müqavilələr imzalamışıq. Ona görə də heç bir digər enerji layihələri onunla rəqabət apara bilməz. Ona görə ki, biz artıq bu qazı satmışıq".