ABŞ Dövlət katibi Con Kerri Dağlıq Qarabağ münaqişəsinin həlli ilə bağlı – dediyi "Azərbaycan və Ermənistan rəhbərləri sülhə hazır deyillər" sözləri birbaşa işğalçı Ermənistanın maraqlarına xidmətdir.

Axar.az xəbər verir ki, bu sözləri BAXCP sədrinin müavini, QHT sədri Niyaməddin Orduxanlı deyib. O xatırladıb ki, Con Kerri ermənipərəst mövqeyi ilə seçilən konqresmen olub:

"Con Kerrinin erməni lobbisinin maliyələşdirdiyi siyasətçi olduğu artıq bir faktdır. 1990-cı ildə onun Qorbaçova yazdığı müraciətinin yayılması bunun təsdiqi üçün kifayət edən ciddi məsələdir. Ancaq çox təəssüf ki, ermənipərəst Kerrinin bu bəyanatına vətəndaş cəmiyyətinin nümayəndələrinin böyük əksəriyyəti susdu. Hesab edirəm ki, bu, bəzi QHT rəhbərlərinin öz maraqlarını güdməsi, dövlətçiliyimizin əksinə getməsidir. Onlar beylnəlxalq təşkilatların yanında özlərini "demokrat" kimi göstərməyə çalışır və bu cür milli məsələlərə susmaqla qrant maraqlarını təmin edirlər".

N.Orduxanlı bu cür şəxsləri şiddətlə qınadığını bildirib: "Qeyri-hökumət təşkilatları ciddi mövqe ortaya qoymalı və Kerrinin heç bir beynəlxalq prinsipə sığmayan, işğalçını müdafiə edən açıqlamasına sərt reaksiya göstərməli idi".