Ana səhifə Gündəm |
Azərbaycanla Türkiyə arasında bütün sahələrdə əməkdaşlıq inkişaf edir və bundan sonra da inkişaf edəcək.
Axar.az xəbər verir ki, Baş nazirin müavini Əli Əhmədov Azərbaycan hökuməti adından Türkiyə dövlətini və xalqını əlamətdar bayram münasibətilə təbrik edib. O bildirib ki, Türkiyə hərtərəfli inkişaf edərək çox böyük və şərəfli yol keçib. Ortaq tarixə, keçmişə malik ölkələrimiz arasında münasibətlər böyük dostluq və qardaşlığın nümunəsidir. Azərbaycanla Türkiyə arasında bütün sahələrdə əməkdaşlıq inkişaf edir və bundan sonra da inkişaf edəcək.
Türkiyədə 15 iyul dövlət çevrilişinə cəhdin qarşısının xalq tərəfindən qətiyyətlə alınmasından sonra ölkənin taleyində mühüm dönüş nöqtəsi baş verdiyini söyləyən Əli Əhmədov Türkiyə xalqının bu ağır sınaqdan üzüağ çıxdığını vurğulayıb. Əli Əhmədov qardaş ölkələrimizin hər zaman bir-birinin yanında olduğunu deyib. O, ölkələrimiz arasında strateji xarakter kəsb edən sarsılmaz dostluq, qardaşlıq münasibətlərinin daha da möhkəmlənəcəyinə əminliyini bildirib.
Tarix
2016.10.27 / 22:21
|
Müəllif
Axar.az
|