Feysbukun bağlanması hələ ki, gündəmdə deyil.

"Axar.az" Türkiyə mətbuatına istinadən xəbər verir ki, Türkiyənin Baş nazir müavini Bülənt Arınç bugünkü mətbuat konfransında Feysbukun qapadılma ehtimalının olub-olmaması mövzusunda açıqlama verdikdən sonra Yutub və Tvitter sosial şəbəkələrinin bağlanması barəsində danışıb. Baş nazir müavini qapadılan sosial şəbəkələrin məhkəmə qərarlarına uymaq məcburiyyətində olduğunu qeyd edib:

Yutub və tvitter nə deyirsə desin...

"Yutub da olsa, Tvitter də olsa məhkəmənin qərarına uymaq məcburiyyətindədir. Tvitter ABŞ, İngiltərə, Fransanın məhkəmə qərarlarına uyur, ancaq Türkiyədən göndərilən qərarlara uymursa, qəbahət bizdə yox, onlardadır. 4-5 məhkəmə qərarından birini icra etdi, o birilərini icra etməməkdə dirənir. Tvitter nə deyirsə desin, Yutub nə deyirsə desin mənim məhkəmə qərarımı icra etməyə məcburdur. Sən şirkətsən, mən isə hökumət idarə edirəm".