10:14

Türkiyənin Kayseri şəhərində terror aktı baş verib.

Axar.az xəbər verir ki, partlayış Kayseri Ərciyəz Universitetinin qarşısında avtobusda olub.

Partlayış nəticəsində xeyli ölən və yaralanan var. Əraziyə təcili tibbi yardım briqadaları göndərilib.

Avtobusda həftə sonu istirahətinə çıxan mülki geyimli hərbçilərin də olduğu bildirilir.

Hadisə şahidlərinin verdiyi məlumata görə, naməlum bir avtomobil avtobusa yaxınlaşdıqdan saniyələr sonra partlayış baş verib.

***

AKP-nin Kayseridən olan millət vəkili İsmayıl Tamer terror hücumu nəticəsində 9 nəfərin həlak olduğunu açıqlayıb.

***

Türkiyənin Kayseri vilayətində baş verən terror aktı nəticəsində ölənlərin sayı 14-ə çatıb.

Axar.az xəbər verir ki, bunu Ərciyəz Tibb Universitetinin baş həkimi Qüdrət Doğru deyib.

“Səhər gələn xəstələrlə bağlı dərhal tədbir görüldü. Bir müddət sonra bütün nazirlər yaralılara baş çəkdi. Lazımi tədbirləri görməyə davam edirik”.

Baş həkim onu da əlavə edib ki, yaralılardan birinin vəziyyəti olduqca ağırdır.