Rusiyanın Türkiyədəki səfirliyinin yerləşdiyi küçəyə ötən gün Ankarada qətlə yetirilmiş səfir Andrey Karlovun adı veriləcək.

Axar.az Anadolu agentliyinə istinadən xəbər verir ki, bunu Rusiyada səfərdə olan Türkiyənin Xarici İşlər naziri Mövlüd Çavuşoğlu rusiyalı həmkarı Sergey Lavrovla görüşündə deyib.

“Səfirliyin yerləşdiyi küçəyə Andrey Karlovun adı veriləcək. Adını həm Ankarada, həm də qəlbimizdə yaşadacağıq. Sizin səfiriniz, bizim də dostumuz olan Karlova qarşı baş verən bu hücumu lənətləyirik. Rusiya qədər, rus xalqı qədər türk xalqı da bu hadisədən kədərlənib. Hücumun hədəfi əlaqələrimizə zərər verməkdir”, - nazir qeyd edib.

Xatırladaq ki, bu gün Moskvada Rusiya, Türkiyə və İran xarici işlər nazirlərinin Suriya münaqişəsinin nizamlanması ilə bağlı üçtərəfli görüşü keçiriləcək.