Sivasın Ulaş rayonunda təkrar seçkilər keçiriləcək.

"Axar.az" Türkiyə mətbuatına istinadən xəbər verir ki, 30 mart tarixində Türkiyədə keçirilən bələdiyyə seçkisi Sivasın Ulaş rayonunda təkrarən keçiriləcək. Buna səbəb 702 səs toplayan CHP-nin namizədi, 5 uşaq atası, 67 yaşlı Hüseyn Gülqanad 37 səs fərqi ilə seçkidə ikinci olan AKP-dən olan rəqibi İsrafil Köçkünün Rayon Seçki Komissiyasına şikayət etməsidir. İsrafil Köçkünə görə Hüseyn Gülqanad 1998-ci ildə "vəzifədən sui-istifadə"yə görə 1 il həbsdə yatdığı üçün bələdiyyə sədri seçilə bilməz. Rayon Seçki Komissiyası etirazı araşdırıb və 1 iyun tarixində yenidən seçki keçirilməsi üçün qərar verib.