ABŞ Ermənistanın BMT Baş Assambleyasında Ukraynanın əleyhinə səs verməsindən narahatlığını bildirib.

"Axar.az" xəbər verir ki, bu barədə ABŞ-ın Ermənistandakı səfirliyi "Azadlıq" radiosunun məktubuna cavabında bildirib.

"ABŞ BMT Baş Assambleyasında təqdim olunmuş hesabatı dəstəklədi və Vaşinqton bu məsələdəki mövqeyini açıq şəkildə ortaya qoydu. Bütün mərhələlərdə biz Ukraynanı dəstəkləyirik. Birləşmiş Ştatlar Ermənistanın səsvermə zamanı bəyanatın əleyhinə səs verməsindən təəssüflənir" deyə cavab məktubunda bildirilib.

Qeyd edək ki, "Azadlıq" radiosu həmin səsverməsdən sonra səfirliyə məktub göndərərək, bunun ABŞ-Ermənistan münasibətlərinə necə təsir göstərəcəyini soruşmuşdu.