Ana səhifə Gündəm |
"Türkiyədə bələdiyyə seçkisində 19 milyon vətəndaşa yardım paylayan AKP 20 milyon səs alıb".
"Axar.az" xəbər verir ki, bu iddiayla Türkiyənin "Yeniçağ" qəzeti çıxış edib. Qəzet yazır ki, hər seçkidən əvvəl dövlət büdcəsindən istifadə edən Ərdoğan hökuməti son bir ildə 6 milyard lirə paylayıb və əvəzini seçkidə alıb.
Qəzetin araşdırması bu cür davam edir:
"AKP 12 illik iqtidarında vətəndaşı yardım almadan yaşaya bilməz vəziyyətə gətirib... İllərdir kömür paylayıb elektriksiz evlərə məişət texnikası göndəriblər. Son istifadə tarixi bitən qidalarla gözdən pərdə asıblar. Hər seçkidən əvvəl belə olub.
Bu seçkidə də taktika dəyişmədi. Bütün bu yardımlara əlavə olaraq kasıblar üçün hər ay başqa-başqa adlar altında ödənişlər edilib. 2013-cü ildə yardımlar cəmi 6 milyard olub, bundan 19 milyon vətəndaş yararlandı və AKP-yə 20.5 milyon səs gəldi.
38.5 milyardlıq yardım büdcəsi
AKP bu ilki seçkidə də yardımlar üçün büdcədən keçən ilə nisbətən 50% daha çox istifadə edib. Ümumi büdcədən Sosial Müdafiə və Sosial Xidmətlərə 38.5 milyard ayıran AKP seçki ərəfəsində Ailə Problemləri və Sosial Siyasət Nazirliyinin vasitəsi ilə bu puldan kasıb, yaşlı, fiziki qüsurlu ailələrə 6 milyard paylayıb. 2012-ci ildə isə Ailə Nazirliyinə 4 milyard 315 milyon pul ayrılıb".
Tarix
2014.04.09 / 00:41
|
Müəllif
Vüsal Tağı
|