10:06

Ukrayna Milli Antikorrupsiya Bürosu və Xüsusi Antikorrupsiya prokurorluğunun əməkdaşları Ukrayna Dövlət Fiskal Xidmətinin rəhbəri Roman Nəsirovu həbs ediblər.

Axar.az xəbər verir ki, bu barədə informasiyanı Ukrayna Milli Antikorrupsiya Bürosu yayıb.

Qeyd edək ki, Roman Nəsirov Ukrayna-Azərbaycan əməkdaşlıq qrupunun rəhbəridir. Əslən azərbaycanlı olan Nəsirov 2014-cü ildə Ukrayna Radasının deputatı olub. 2015-ci ildə isə o, Ukrayna Dövlət Fiskal Xidmətinə rəhbər gətirilib.

***

Ukrayna Dövlət Fiskal Xidmətinin sədri Roman Nəsirov dövlətə 2 milyard qrivna zərər vurmaqda təqsirkar bilinir.

Axar.az xəbər verir ki, bunu jurnalistlərə açıqlamasında Xüsusi Antikorrupsiya Prokurorluğunun 4-cü bölməsinin rəisi Roman Sivkiv söyləyib.

Nəsirov dünən saxlanılıb. O, bir müddət öncə Ukraynadan qaçmış deputat Aleksandr Onişenko ilə birləşərək dövlət vəsaitinin mənimsənilməsində ittiham edilir.