Şimali Koreyanın raket buraxılışı təhlükəli tendensiyadır.

Axar.az xəbər verir ki, bunu Rusiya Diplomatik Akademiyasında çıxışı zamanı Azərbaycan Xarici İşlər naziri Elmar Məmmədyarov söyləyib. O, Şimali Koreyanın raket texnologiyalarının inkişafının regionda yeni gərginlik dalğası yaratdığını bildirib:

“Bu, Cənubi Koreya və Yaponiyanı narahat olmağa məcbur edir. BMT Təhlükəsizlik Şurasının Şimali Koreyanın raket sınağını qınayan növbəti qətnaməni nəzərə alsaq, bu məsələyə digər tərəfdən yanaşıb daha qəti tədbirlər görmək lazımdır. İstənilən halda Pxenyandakı rəhbərliyə Nyu Yorkdan edilən xəbərdarlıqlar, eləcə də sanksiyalar təsir etmir”.

Qeyd edək ki, Şimali Koreya sonuncu ballistik raket sınağını martın 6-da keçirib. Amerika məhz buna görə artıq THAAD raketdən müdafiə sistemlərini Cənubi Koreyada yerləşdirməyə başlayıb.