Qənirə Paşayeva beynəlxalq konfrans çərçivəsində Efiopiya, Eritreya və Sudanın ictimai xadim, QHT rəhbərləri ilə görüşüb.

Axar.az xəbər verir ki, millət vəkili Azərbaycanın iqtisadi inkişafı və Qarabağ həqiqətləri haqda geniş məlumatlar verib.

Məcburi köçkünlərin fundamental insan haqlarının bu gün də Ermənistan tərəfindən pozulmasından söhbət açan Q.Paşayeva bildirib ki, dünyanın harasında yaşamasından asılı olmayaraq, ədalətin yanında olan hər kəs Ermənistanın törətdiyi vandalizm aktlarına qarşı öz etiraz səsini ucaltmalıdır.

Millət vəkili eyni zamanda, Ermənistanın işğal etdiyi Azərbaycan torpaqlarında tarixi-mədəni, dini abidələri, qəbiristanlıqların məhv edilməsini özündə əks etdirən materialları, “Azərbaycan həqiqətləri” filmləri kataloqunu qonaqlara təqdim edib.

Efiopiya, Eritreya və Sudanın ictimai xadim və QHT rəhbərləri ölkələrinin Azərbaycanla dostluğun inkişafında maraqlı olduğunu vurğulayıblar.