BDU-nun Jurnalistika fakültəsinin Televiziya və Radio jurnalistikası kafedrasının keçmiş müdiri Aynur Kərimovaya yeni vəzifə verilib.

Teleqraf.com xəbər verir ki, bu barədə Aynur Kərimovanın özü məlumat yayıb.

BDU-nun rektoru akademik Abel Məhərrəmovun bu gün imzaladığı qərara əsasən, Jurnalistika Elmi Tedqiqat laboratoriyasının elmi fəaliyyətini genişləndirmək, inkişaf etdirmək və gücləndirmək məqsədi ilə Aynur Kərimova bu qurumun müdiri təyin edilib.
Aynur Kərimova eyni zamanda öncə rəhbərlik etdiyi kafedrada yarım ştat dosent kimi də fəaliyyətini davam etdirəcək.

Qeyd edək ki, Aynur Kərimova Jurnalistika fakültəsinin Televiziya və Radio jurnalistikası kafedrasının müdiri vəzifəsinə keçirilən seçkiləri uduzmuşdu.

Sözügedən laboratoriyanın müdiri vəzifəsini isə bu vaxta qədər hazırkı dekan əvəzi Vüqar Zifəroğlu icra edirdi.