Azərbaycan ordusunun zərbələri nəticəsində 3 erməni hərbçi yaralanıb.

Axar.az xəbər verir ki, bu barədə informasiyanı Qarabağ separatçıları yayıb. Yaralananların Robert Qasparyan (1969), Ambartsum Arutyunyan (1997) və Vahe Badalyanın (1998) olduğu bildirilib.

Qeyd edək ki, az öncə Azərbaycan Müdafiə Nazirliyi Alxanlıdakı dinc sakinlərin qisasını almaq üçün düşmənin tabor mərkəzinə zərbələr endirildiyini açıqlayıb. Nazirlik atəş nəticəsində xeyli sayda erməni hərbçisinin və texnikanın məhv edildiyini bildirib.

Ermənistan ənənəvi olaraq itkilərini gizlətməyə çalışsa da, nədənsə bu dəfə qismən də olsa, aldığı zərbəni etiraf etdi. Şübhə yoxdur ki, Ermənistan öz ictimaiyyətindəki gərginliyin qarşısını almaq üçün qarşıdakı günlərdə itkilərini hissə-hissə açıqlayacaq.