Ana səhifə Gündəm |
Millət vəkili Qənirə Paşayeva Qərbi Afrika Ölkələri İqtisadi Birliyi (ECOWAS) Parlamentinin sədri ilə görüşüb.
Axar.az xəbər verir ki, Qənirə Paşayeva ECOWAS Parlamentinin sədri Mustafa Cisse Lo və onun rəhbərlik etdiyi nümayəndə heyəti ilə görüşü zamanı Azərbaycanın Qərbi Afrika ölkələri ilə, onların yaratdığı təşkilatlarla dostluğun və əmkdaşlığın inkişafına önəm verdiyini deyib.
Q.Paşayeva həmçinin Ermənistanın işğal etdiyi Azərbaycan torpaqlarında törətdiyi vandalizm aktları, 1 milyon azərbaycanlının Ermənistanın işğalı nəticəsində öz yurd-yuvalarından qaçqın və məcburi köçkün düşməsi, bir neçə gün əvvəl işğalçı Ermənistan ordusunun qətlə yetirdiyi balaca Zəhra barəsində ətraflı məlumatlar verib:
“Dünyanın harasında yaşamasından asılı olmayaraq, ədalətin yanında olan hər kəs Ermənistanın törətdiyi vandalizm aktlarına, körpə uşaqları qətlə yetirməsinə, yüz minlərlə azərbaycanlının Ermənistan tərəfindən pozulmaqda davam edən fundamental insan haqlarına laqeyd, seyrçi qalmamalı və buna qarşı öz etiraz səsini beynəlxalq təşkilatlarda daha yüksək səslə söyləməlidir”.
Mustafa Cisse Lo da Azərbaycanla dostluğun inkişafında maraqlı olduqlarını deyərək, əməkdaşlığın genişlənməsinin önəmini vurğulayıb.
Tarix
2017.07.11 / 16:45
|
Müəllif
Aqşin Evrən
|