Slavyansk ətrafında silah-sursat anbarı və separatçılarla dolu olan avtobus məhv edilib. Krasnıy Limanda isə son təmizləmə əməliyyatı davam edir.

Axar.az xəbər verir ki, bu barədə Ukrayna anti-terror əməliyyatı mərkəzinin mətbuat rəhbəri Vladislav Seleznyov bildirib.

"Bu gün gecə Donetskin şimalında əməliyyatçılar manevr zamanı atəşə tutulublar. Atəş yolun kənarında dayanmış avtobustan açılıb. Cavab atəşi nəticəsində avtobusdakı separatçıların hamısı öldürülüb. Semyonovka kəndi yaxınlığında isə terrorçulara məxsus silah-sursat anbarı məhv edilib", - deyə Seleznyov bildirib.

Onun sözlərinə görə, anti-terror əməliyyatı zonasında gecə nisbətən sakit keçib.