Ana səhifə Gündəm |
"Əgər Rusiyaya bütün funksiyaların hamısı verilsə, o zaman Moskva Qarabağı Qars kimi həll edəcək".
Axar.az xəbər verir ki, bu açıqlama ilə erməni politoloqu Stepan Qriqoyan çıxış edib. O, Rusiyanın heç bir zaman ermənilərin xeyrinə addım atmadığını bildirib:
"Ermənilər o zaman bütün paketi Rusiyaya vermişdilər. Hər kəs ümid edirdi ki, ruslar heç olmasa bir məsələni bizim xeyirimizə həll edəcəklər. Amma bolşevik Rusiyası məsələni öz maraqları çərçivəsində həll etdi. Qars türklərə, Qarabağ və Naxçıvan isə Azərbaycana verildi. Naxçıvan istiqamətində isə hazırda vəziyyət çox gərgindir. 1921-ci ildə Moskva müqaviləsinə görə, Rusiya və Türkiyə Naxçıvanın təhlükəsizliyinin qarantıdır. Əgər burada hansısa gərginlik yaşansa, o zaman Rusiya və Türkiyə müqaviləyə uyğun addım atmalıdır. Daha dəqiq desək, Naxçıvanla sərhəddə gərginliyin artmasına əsas səbəb Azərbaycanın Qarabağ konfliktinə Türkiyəni aktiv şəkildə cəlb etməkdir".
Xatırladaq ki, iyunun əvvəlindən başlayaraq, ermənilərin Naxçıvan istiqamətində aktivləşməsinin ardınca erməni media mənsubları və politoloqları bu faktı Azərbaycana qarşı istifadə etməkdə maraqlı görünürlər. Açıqlamalarda Rusiyanın Azərbaycan torpaqlarının işğaldan azad olunması üçün rəsmi Bakıya dəstək olduğu barədə erməni ictimai narahatlığı ifadə edir.
Tarix
2014.06.10 / 23:55
|
Müəllif
Axar.az
|