Anti-terror əməliyyatı zonasında Ukrayna hərbçiləri ilə terrorçular arasında qızğın döyüş gedib.

Axar.az xəbər verir ki, bu barədə Hərbi-Siyasi Araşdırmalar Mərkəzinin rəhbəri Dmitri Tımçuk məlumat verib.

Onun sözlərinə görə, Ukrayna hərbçiləri Rusiya tərəfindən separatçılara göndərilmiş iki tank vurulub. Bundan başqa hərbçilər 3 zirehli transportyor, separatçıları daşıyan iki yük maşını və 2 ədəd də DŞK iriçaplı pulemyotları quraşdırılmış maşını məhv ediblər.

Tımçuk bildirib ki, döyüş zamanı Ukrayna ordusunun 5 hərbçisi həlak olub, 31 nəfəri isə yaralanıb. Terrorçuların verdikləri itkilərin dəqiq sayı barədə məlumat yoxdur.