"İraq Şam İslam Dövləti" (İŞİD) terror təşkilatının Bağdada doğru irəliləməsi İraqda vəziyyəti daha da ağırlaşdırıb.

ABŞ hökuməti Bağdaddakı səfirliyini evakuasiya etməyə başlayıb. Publika.az-ın məlumatına görə, Vaşinqtondan gələn təlimatdan sonra dəniz piyadaları səfirlik əməkdaşlarını binadan təhlükəsiz şəkildə çıxarıblar. Diplomatik korpus əməkdaşlarının İordaniyanın paytaxtı Əmmana aparıldığı deyilir.

ABŞ-ın dövlət katibliyinin yaydığı bəyanatda ölkə vətəndaşlarına İraqa getməmək bildirilir.

Xatırladaq ki, bu gün səhər saatlarında ABŞ Dövlət katibi Bağdaddakı ABŞ səfirliyinin təxliyə edilməsi mümkünlüyünü və artıq 100 nəfərlik əsgər heyətinin bu məsələ ilə bağlı təlimatlandırıldığını bildirmişdi.