İyunun 16-da Afinada Azərbaycan Prezidenti İlham Əliyev yunan həmkarı ilə təkbətək görüşdən və ikitərəfli sazişlərin imzalanmasından sonra Yunanıstanın Baş naziri Antonis Samaras, parlamentin spikeri Vanqelis Meimarakis, Baş nazirinin müavini, xarici işlər naziri Evangelos Venizelos və Yunanıstan parlamentində əsas müxalifət olan Demokratik Solçular Birliyinin lideri Aleksis Tsipras ilə görüşüb.

Axar.az Prezidentin rəsmi saytına istinadən xəbər verir ki, görüşlərdə ölkələrimiz arasında münasibətlər, müxtəlif sahələrdə ikitərəfli əlaqələr, energetika, nəqliyyat, kənd təsərrüfatı və digər sahələrdə əməkdaşlığın genişləndirilməsi perspektivləri müzakirə olunub.

Yunanıstanın Baş naziri Antonis Samaras Azərbaycan Prezidenti İlham Əliyevin şərəfinə rəsmi nahar verilib.

Spikeri Vanqelis Meimarakis ilə görüşdə isə Yunanıstan parlamentinin qızıl medalı Prezident İlham Əliyevə təqdim edib.