Ana səhifə Gündəm |
Rusiyadan işğal olunmuş Dağlıq Qarabağ ərazilərinə qanunsuz olaraq sərnişin daşınır.
Axar.az xəbər verir ki, bu barədə Avropa.info məlumat yayıb. Məlumatda bildirilir ki, “Liro” ticarət mərkəzinin yaxınlığında olan erməni avtovağzalından Pyatoqrsk–Stepanakert (Xankəndinin adı belə göstərilir – red.) marşrutu üzrə hər gün sərnişinlər Azərbaycan sərhədlərini pozaraq, işğal altında olan ərazilərə gedir. Onların arasında Bakıdan və Qarabağdan Pyatoqorska köçən ermənilərlə yanaşı, kimliyi geniş ictimaiyyətə bəlli olmayan xarici vətəndaşlar da var.
Qeyd edək ki, dünyanın heç bir ölkəsi, o cümlədən Ermənistan Dağlıq Qarabağdakı separatçı rejimi tanımayıb. Bu rejim beynəlxalq hüquqdan kənardadır. Azərbaycan dövlətinin ərazisi olan Dağlıq Qarabağa hər hansı bir təşkilatdan, qurumdan, dövlətdən səfər reallaşdırılan zaman rəsmi Bakının icazəsi alınmalıdır. Ondan sonra bu və ya digər addım atılmalıdır.
Tarix
2017.10.02 / 17:09
|
Müəllif
Axar.az
|