Ana səhifə Gündəm |
17:39
Bakının Nobel prospektində, keçmiş Neftayırma zavodunun yaxınlığında dəhşətli qəza baş verib.
Axar.az-ın hadisə yerində olan əməkdaşının sözlərinə görə, 10 UR 221 dövlət nömrə nişanlı "Mersedes" markalı avtomobil yüksək sürətlə mərkəzə doğru hərəkət edərkən idarəetməni itirərək, qarşı yola çıxıb və qarşıdan gələn 99 HF 228 dövlət nömrə nişanlı "Mersedes" avtomobilinə çırpılıb. Daha sonra VAZ 07 nömrəli "Jiquli" avtomobilinin üstünə düşüb və "Jiquli" tamamilə sıradan çıxıb. Bununla da zəncirvari qəza başlayıb: 10 VD 248 dövlət nömrə nişanlı "Mersedes" və 90 VX 153 dövlət nömrə nişanlı "Ford" avtomobilləri də qəzaya uğrayıblar.
Hadisə nəticəsində ölənlərin olduğu bildirilir.
Əməkdaşımızın sözlərinə görə, ölən və yaralananların sayı ilə bağlı məlumat yoxdur. Hadisə yerində təcili tibbi yardım briqadaları, FHN-in xilasediciləri və yol polisi əməkdaşları işləyirlər. Xəsarət alanlar və ölənlər xəstəxanalara aparılır.
Tarix
2014.06.20 / 18:10
|
Müəllif
Axar.az
|