Yuxarı

AŞPA-da sədrlik Azərbaycana nə verəcək – Rəylər

Ana səhifə Gündəm
12 Punto 14 Punto 16 Punto 18 Punto

Ekspertlər AŞPA Nazirlər Kabinetinə sədrlik dönəminin Azərbaycana nələr verəcəyi ilə bağlı məsələni Axar.az oxucuları üçün şərh edirlər.

Azərbaycan həqiqətlərini Avropaya çatdırmaq imkanı

Asim Mollazadə Avropa Şurasında NK-ya Azərbaycanın sədrlik dönəminin ölkəmizin həqiqətlərini dünyaya tanıtdırmaqdan ötrü mühüm önəm kəsb etdiyini bildirib:

"Bu, Azərbaycan həqiqətlərini Avropaya çatdırmaq imkanı verir. Mənə elə gəlir ki, hazırda ölkəmizin problemlərini Avropaya çatdırmaqdan ötrü gözəl fürsət yaranıb. Problemlərlə yanaşı, biz Azərbaycan mədəniyyətini də Avropaya tanıtdıra bilərik. Bizim Avropa ilə münasibətlərimiz çoxşaxəli xarakter daşıyır. Əməkdaşlıq sahəsində həm siyasi, həm iqtisadi istiqamətə böyük önəm veririk. Sədrlik dövründə də bunu genişləndirməyə çalışacağıq".

Mühüm etimad

Politoloq Qabil Hüseynli AŞPA Nazirlik Kabinetinə sədrliyin Azərbaycana verilməsinin Bakıya göstərilən etimaddan irəli gəldiyini deyib:

"Nazirlər Kabineti icraedici orqandır. Bu isə Azərbaycana çox imkanlar verir. Bu baxımdan Azərbaycanın bir sıra məsələləri qaldırmaq, müzakirə etmək hüququ var. Burada Avropa Şurasının cari məsələləri ilə əlaqədar olaraq təkliflər də irəli sürülə bilər. Azərbaycana AŞPA Nazirlər Kabinetnin sədri vəzifəsinin verilməsi ona göstərilən mühüm etimaddır. Bundan əvvəl Ermənistan bu funksiyanı yerinə yetirib. Postsovet məkanında Azərbaycan ikinci ölkədir ki, belə vəzifəyə sahiblənib. Bu, bir tərəfdən də göstərir ki, Azərbaycan beynəlxalq münasibətlərində mühüm siyasi fiqura çevrilməkdədir. Bu mövqeyindən istifadə edərək Azərbaycan öz problemlərini Nazirlər Kabinetinin müzakirəsinə çıxara bilər".

Azərbaycan ciddi suallarla qarşılaşacaq

Hüquqşünas Eyyub Kərimov isə sədrlik dövrü ərzində Azərbaycanın ciddi suallarla qarşılaşacağını vurğulayıb:

"Azərbaycanın Avropa Şurası Nazirlər Kabinetinə sədrlik etməsi onun diqqət mərkəzində olması deməkdir. Çünki belədə Avropa Şurasının deputatları birbaşa suallarını Azərbaycana yönəldəcəklər. Yəni göz önündə olacağıq. Hesab edirəm ki, mətbuat azadlığı, Azərbaycanda azad məhkəmələrlə əlaqədar işlər görülməlidir və görüləcək. Sədrlik edən ölkə ən azı həmin müddət ərzində nümunəvi olmalıdır. Bu baxımdan Azərbaycan cəmiyyəti üçün ölkəmizin Nazirlər Kabinetinə sədrliyi uğurludur. Amma hesab edirəm ki, Azərbaycanın diqqət mərkəzində olmasından düşmənlər də istifadə edəcək və müzakirələrdə əleyhimizə təkliflər, suallar səsləndirəcəklər. Buna görə də təmsilçiliyimiz zaman bizi ciddi sınaqlar gözləyir".

Ələ düşən mühüm fürsət

İqtisadçı ekspert Natiq Cəfərli isə Azərbaycan hakimiyyətinin əlinə düşən mühüm fürsətdən istifadə edə biləcəyinə ümid etdiyini qeyd edib:

"Avropa Şurası NK-ya sədrlik zamanı Azərbaycan Avropa institutlarını cəlb etməklə, ölkənin mühüm problemlərinin həllində ciddi dəyişikliyə nail ola bilər. Bundan Qarabağla bağlı hər hansı addımların atılması, həmçinin Ermənistana qarşı xartiyaların qəbul olunmasını reallaşdıra bilərik. Ölkənin daxilində hökumətin də imtina etmədiyi söz azadlığı, iqtisadi azadlıq, korrupsiya və digər şeylərlə bağlı problemlərin həllində də əlverişli fürsət yaranıb. Ümid edirəm ki, Azərbaycan hakimiyyəti bu fürsətdən maksimum istifadə edəcək".

Tarix
2014.06.25 / 16:14
Müəllif
İlkin Həsənov
Şərhlər
Digər xəbərlər

Radev Əliyevə zəng etdi: Səfər təxirə düşdü

Rəsmi İrəvan gərəksiz bəhanələr axtarmaq əvəzinə…

Bu, Ermənistanı yeni təxribatlara təşviq edə bilər

ABŞ-ın bu addımları bizi məyus edir - Hacıyev

Bakı və İrəvan sülhə yaxındır, ancaq… - Hacıyev

Akar ABŞ konqresmenləri ilə sülh prosesini müzakirə etdi

İrəvan İranın “qırmızı xəttini” zorlayır, həm də tək yox!

Arkov: Bakı buna çox sərt cavab verəcək

Erməni: Həyətim Azərbaycan ərazisinə düşür - Video

Vaşinqton bu ölkəyə qarşı yeni ittifaq yaradır

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla