"Ankara onsuz da "erməni soyqırımı" olmadan belə dünyada öz imicini itirib".

Axar.az xəbər verir ki, bu açıqlama ilə rusiyalı politoloq, ermənipərəst Stanislav Tarasov çıxış edib. O, Türkiyənin həmçinin regiona müdaxilə edib güc balansını dəyişməyə çalışdığını deyib:

"Artıq bəzi ekspertlərin özləri də bildirirlər ki, Türkiyə "Yeni Sürix" protokolu hazırlayır. Amma bu dəfə protokollar yalnız Qərbdə yaşayan erməni diasporu ilə imzalanacaq. Türkiyə 1915-ci il hadisələrinə görə dünya gündəmindən düşə bilmədiyini artıq anlayır və bunun üçün də hərəkətə keçib. Məhz bununla Türkiyə erməni soyqırımın 100 illik effektini endirməyə çalışır. Görünür bu, Lavrovun səfəri zamanı da müzakirə edilib. Türkiyə həmçinin regiona müdaxilə edib güc balansını dəyişməyə çalışır".