Bu gün Ramazan bayramının ilk günüdür.

Məlum olduğu kimi, Şəvval hilalının (Ay) görünməsindən asılı olaraq Ramazan bayramı miladi təqvimi ilə iyun ayının 28-i və 29-a düşür. Azərbaycan hökumətinin qərarına əsasən, hər iki gün bayramdır. Bayram namazı sabah qılınacaq.

İslam aləmində Ramazan bayramında valideynlərə, qohum-əqrəbaya baş çəkilməsi, küsülülərin barışması, yetim, kimsəsiz və ehtiyacı olanlara diqqət göstərilməsi, dünyasını dəyişmiş yaxınların qəbirlərinin ziyarəti bəyənilən əməllərdən hesab olunur. Ramazan bayramında hər ailənin başçısı evdən ailə üzvlərinin sayı qədər fitrət payı da çıxmalıdır. Fitrət bayram namazına qədər çıxarılmalıdır.

Qafqaz Müsəlmanları idarəsi artıq Azərbaycanda bayram münasibətilə ödənilən fitrə zəkatının məbləğini açıqlayıb. Qazılar Şurası tərəfindən müəyyən olunmuş fitrənin dəyəri 3-5 manat arasındadır.