"Qərb Qarabağ konfliktinin hazırkı status-kvoda qalmasının tərəfdarıdır".

Axar.az xəbər verir ki, bu açıqlama ilə erməni politoloqu Akop Badalyan çıxış edib. O, Qarabağda yalnız erməni qoşunlarının saxlanılmasının sərfəli olduğunu bildirib:

"Rusiya Qarabağı Azərbaycanın xeyrinə həll etməyə çalışır. Həmçinin bunun vasitəsilə Qafqazda öz mövqelərini möhkəmlədib, buraya əlavə qoşun yeritməyə çalışır. Lakin "Dağlıq Qarabağ"ın müstəqilliyini itirməməsinə daha bir şans var. Bu isə yalnız ABŞ-dır. Artıq ABŞ-ın bir neçə ştatı Qarabağın müstəqilliyini tanıdıqlarını bəyan ediblər. Bu isə Qarabağla bağlı məsələ də İrəvanın mövqeyinə xidmət edən addımdır. Hazırkı status-kvonun dəyişməsi ən çox ABŞ-ın ziyanınadır. Bu halda bölgə tamamilə nəzarətdən çıxmış olacaq. Hazırda konflikt zonasında erməni qoşunlarının qalması İran və ABŞ üçün ən sərfəli variantdır".