Separatçılardan ibarət bir neçə qrup Ukrayna ordusuna təslim olublar. Onlar həmçinin, terrorçuların dislokasiya yerləri haqqında da məlumatlar veriblər.

Axar.az xəbər verir ki, bu barədə anti-terror mərkəzinin mətbuat katibi Alekey Dmitraşkovski məlumat verib.

"Separatçılar başa düşürlər ki, Ukrayna ordusu ilə döyüşməyin xeyri yoxdur. Onlar Ukrayna hərbçilərinin tərəfinə keçərək, terrorçuların planları və dislokasiya yerləri haqqında dəqiq məlumatlar verirlər", - deyə Dmitraşkovski bildirib.

Onun sözlərinə görə, hazırda danışıqlar aparılır və daha iri qrupun Ukrayna ordusunun tərəfinə keçməsi gözlənilir: "Onlar Ukrayna hərbçilərindən onların tərəfinə keçmək üçün təhlükəsizlik dəhlizi açmalarını xahiş ediblər".