Rus dilində nəşr olunan “İrs-Наследие” beynəlxalq jurnalda (“İrs-Heritage”, 1 (91), 2018) Azərbaycan Milli Elmlər Akademiyası Milli Azərbaycan Tarixi Muzeyinin əməkdaşı, elmi işçi Emin Dadaşovun “1918-ci il mart soyqırımı belarus əsilli fotoqrafın gözü ilə” adlı məqaləsi dərc olunub.

Muzeydən Axar.az-a bildiriblər ki, məqalədə Fövqəladə Təhqiqat Komissiyasının (FTK) ekspert-fotoqrafı Lev Urbanoviç Daşkeviç tərəfindən çəkilmiş fotoşəkillərdə bolşevik-erməni silahlı dəstələrinin Şamaxı, Göyçay və ölkəmizin digər yerlərində törətdiyi qətliam, talan və dağıntıların əksini tapdığı barədə məlumat verilir.

Soyqırımın baş verdiyi ərazilərdə çəkilmiş fotoşəkillərin arxa hissəsində FTK-nın möhürünün, komissiya üzvünün və ekspert-fotoqrafın imzasının olması bu mənbələrin etibarlılığını bir daha təsdiqləyir.